3098/2023-2024

Dated Aizawl, the 18th December, 2023: Vawiin khan Chief Minister Pu Lalduhoma chu a pisaah Sena Medal Brigadier Girish Upadhya, SM, VSM, DIG, 23 Sector Assam Rifle, Aizawl chuan hmuin lawmpuina a hlan.

Chief Minister chuan ruihhlo leh dan lova kuhva tawlh te dangchata titawp tur te, Zokhawsanga an insawn pheina tur atana Mizoram sawrkarin tihtur a la neih ang angte ziaka a hnena thlen turte leh Zokhawsanga an ram paltlanga feh ngaiten an fehkawng ve tur an neih fel hma chu phal taka lo paltlangtir tur tein a chah a, Brig Girish Upadhya hian a theih anga a lo bawhzui nghal tur thu Chief Minister hi a hrilh a ni. Heng bakah hian Mizo thalai tam zawkte sipaia an tan zel theihna tura thil pawimawhte an sawi dun bawk.

Brigadier Girish Upadhya, SM, VSM hian Assam Rifle in tun hnaia venhimna hna an thawhna kawnga an hlawhtlinna hrang hrangte Chief Minister hi a hrilh a ni.

Vawiin vek hian Pu Binod KR Singh, IPS, Additional Director General, Central Reserve Police Force (CRPF), NE Zone, Pu Subrat Mishra, IG, CRPF leh Pu Virender Aggarwal, DIG, CRPF ten Chief Minister hi a pisaah hmuin lawmpuina an hlan a. Indian Police Service mi leh sa ni thin vawiina Chief Minister hial a ni thei chu an chhuang hle tih an hrilh a, Mizoramin a mamawhna kawng tinrengah tanpuia thawhpui turin an inpeih reng tih Chief Minister hi an hrilh a ni.