3097/2023-2024
Champhai, 18th December 2023: Home Minister Pu K. Sapdanga chuan vawiin chawhnu khan zanhnih riak turin Champhai a thleng a. Champhai Circuit House-ah sawrkar department hotute nen inkawmhona an nei.
He hunah hian thu sawiin Home Minister Pu K. Sapdanga chuan Mizoram sawrkar chu ram siam tha turin thahnem a ngai a, theihtawp a chhuah dawn a ni, a ti a. Mipui ten sawrkar ngenna ngaipawimawha kawtchhuaha inhmuah leh inzawn an ti lo chu lawmthu a sawi bawk.
Home Minister hian Mizoram khawchhak lam chu thil tha tam tak chhuahna a nih rualin, ruihhlo leh dan phal loh thil te luhna kawng lian ber a ni mek chu pawi a tih thu a sawi a. Ruihhlo leh dan phal loh thil tawlhruk dona kawngah sawrkarin theihtawp a chhuah dawn a ni tiin sawrkar tha chakna mai ni lo, khawtlang tha chakna hmanga do a ngai a ni, a ti. Pu K. Sapdanga chuan Mizoram run mek tu ruihhlo leh dan phal loh thil dan chah kawngah Department hotute tawiawmna leh thawhpuina a dil a. Sawrkar thar chuan Mizoram hi Champhai khua atanga then thianghlim tan a tum a ni, a ti bawk.
23- Champhai North AC bialtu Er. Ginzalala pawhin he hunah hian thu sawiin ram rorelnaa thu thei tura thlang tlingtu Champhai North bial mipuite chungah lawmthu a sawi a. Mipuite leh sawrkar hotute chu anmahni finchhuah fo turin a chahin, thawhhona tha tak neih puiah a sawm a; Champhai South bialtu MLA-te nen theihtawp chhuahin Champhai chu ‘Model Constituency’ ah hlan kai ngei an tum thu a sawi.
He huna thusawitu dang 24-Champhai South AC bialtu dang Lt. Col. Clement Lalhmingthanga chuan Champhai North mipui ten an tanpuina zarah MLA dinhmun a luah thei chu lawmawm a tih thu a sawi a. Dik leh tha zawka hna an thawh theih nan department hotute finchhuah leh tanpuina a ngen nghal bawk.
Inkhawm hi Champhai Bawrhsap Pu James Lalrinchhana’n a kaihruai a, Home Minister hi Pu Thomas Zodingliana, DIG (Eastern Range) leh Pu David H. Lalthangliana OSD (Home) ten an tawiawm a. Naktuk hian Champhai atangin Zokhawthar a pan ang a, Land Custom Station, Immigration Check Post, Bethel Refugee Camp leh Lipui Refugee Camp te a tlawh ang.
Attachment
- Loading attachment...
