No.2778/2021-2022

Aizawl the 29th October, 2021 : Vawiin chawhma dar 11:00 khan Hnahthial District Bawrhsap Pu R. Lalremsanga kaihhruaiin a office chamber-ah District Hospital Hnahthial hotute chuan Hnahthial District chhunga khum beta dam lo te, vohbik te leh rilru lama harsatna neite Covid-19 Vaccine pek dan tur ngaihtuahin an thukhawm.

Thutkhawm kaihhruaitu District Bawrhsap chuan Covid-19 Vaccine pek-ah Hnahthial District hi a ti tha ber, vaccine pe tam ber nih kan tum a tul a, tunah hian dam tha pangngai harsatna nei lo te chuan kan la deuh vek tawhin a rinawm a, chutih lai chuan kan huam chhunga khum beta dam lo te, vohbik te leh rilru lama harsatna neite vaccine pek dan tur hi kan ngaihtuah a tul a ni a ti.

Meeting chuan khum beta dam lo te, vohbik te leh rilru lama harsatna neite district hospital bial chhungah an tam loh avangin Health Worker ten vawiin leh naktuk lamah dapchhuah beipui lo thlak se, a remchang hmasa berah Vaccine hi pek nise an ti a ni.

Vawiin thleng khan District Hospital Hnahthial huam chhungah Covid-19 invenna vaccine second dose 81% in an la tawh a, first dose 99% in an la tawh bawk, tin Hnahthiala Myanmar buaina avanga raltlan awm te zinga mi 106 hnenah vaccine hi pek a ni tawh a ni.