1637/2023-2024

Hnahthial the 24th August 2023: September ni 1-a Health & Family Welfare Department Minister, South Tuipui AC bialtu MLA ni bawk Dr R Lalthangliana hawn tura ruahman Hnahthial Bawrhsap office thar leh DUDO office thar sak mek hawn dan tur relna leh inbuatsaihna thlirhona neiin vawiin khan Hnahthial District Addl. DC Pu Lalvenhima kaihhruainain DC office staff-te an thukhawm.

Vawiin thutkhawmah hian Addl DC Pu Lalvenhima chuan chanvo hrang hrang changtu ten an mawhphurhna theuh te hria a, ngai pawimawh turin a chah a, Hnahthial District tana rahbi thar chhinchhiahtlak tak a nih avangin an chanvo theuhah theihtawp chhuah turin a ngen a ni. Thawhhona tha tak hnuaiah tluang leh felfai taka hawn a nih theih nan an puihbawmna a ngén nghal bawk a ni.

Vawiin inkhawmah hian Hnahthial District Election Officer leh Block Development Officer ni bawk Pu Lalbiakfela bakah DC office staff-te an tel a ni.