2357/2026-2027

Dated Hnahthial, the 25^th September, 2026: Vawiin khan Horeb Conference Hall, Hnahthialah District Hub for Empowerment of Women buatsaihin - "One Day Training for Child Marriage Prohibition Officer" neih a ni a, Pi F. Lalnuntluangi, CDPO chuan kalkhawmte hnenah lawmna thu sawiin Child Marriage Free Village nih tum theuh turin a chah a. Chawhma leh Chawhnu programme neih neih niin Pi Lalrinpuii, District Mission Coordinator, DHEW chuan hun a kaihruai a ni. 

Chawhma programme-ah hian Pu Jonathan Lalnunsiama, Protection Officer hnen atangin Juvenile Justice Act leh POCSO Act chungchanga hriattur pawimawh zual inzirtirna neih niin inchhungkhura sex education pawimawhna te tarlan a ni a. Pi Lalrindiki Ralte, Advocate hnen atangin kum tling lo va inneih phal lohna dan - Prohibition of Child Marriage Act leh Protection officer-te mawhphurhna ngaihthlak a ni. 

Pi Lalrindiki Ralte chuan kum tling lo va innei an tamna chhan ber pakhat chu nu leh pa ten kan fate thiltih kan ngaihven tawk loh avang leh kan khawtlangin a tura kan ngaih thin vang a nih thu a sawi a. He huna kalkhawmte chu au chhuak thei lote tana aw ni tura chahin chhungkua leh khawtlang hrisel kan neih theihna tura hmalak puiah a sawm a ni. 

Pu F. Lalrinfela, DIPRO chuan thu sawiin kum tling lo va inneihna chuan a tha lo zawngin mihring thanlenna kawngah nasa taka a nghawng theih thu a sawi a. Nu leh pate chuan inchhungkhur nuam, fate pawhin inhawng taka an harsatna te an sawi ngamna hmun an siam a tul thu sawiin kan khawtlangah inneih hlutna chawikan thar a pawimawh thu a sawi bawk. 

Chawhnu programme-ah hian Pi Vanlalzaipuii, Specialist in Financial Literacy chuan Child Marriage Prohibition Officer kalkhawmte hnenah an hriattur pawimawhte zirtirin Pu Lalramnghaka Hrahsel, Gender Specialist, DHEW chuan lawmthu sawiin hun a khar a ni.

Child Marriage Prohibition Officer-te hi Village Council tina Secretary theuhte niin Hnahthial District-ah hian 32 an awm a ni.