2225/2026-2027

Dated Hnahthial, the 16th September, 2026: Vawiin khan DC Conference Hall, Hnahthialah Hnahthial District atanga CM Special Package Phase-II hnuaia tanpuina dawngtu mi sawmsarih pali (74) te hnenah tanpuina hlan an ni a. Bawrhsap, Pi K. Vanlalruati chuan thu sawiin Addl DC, Pu Zothanmawia Khiangte chuan hun a kaihruai a ni. 

Bawrhsap chuan Progress Partners kalkhawmte hmaah thu sawiin mahni trade dil chhan ang taka sum hmang thin turin a chah a. A thlawna sum sem an ni lo tih hre thar leh tura a duh thu sawiin tanpuina a nih ang ngeia eizawnna tluantling neih nana hmang turin a chah a. Thawkrim leh a phu tura ngaih, department-te'n an thlanchhah an nih thu sawiin thlan an nih chhan ang ngeia hma la tura beisei an nih thu a sawi bawk. 

Pi Julie Zodinpuii, District Agriculture Officer hnen atangin Bana Kaih kalpui a nih tawh dan report tawi ngaihthlak a ni a, Hnahthial District tan CM Special Package Phase-II hnuaia tanpuina sum semchhuah chu cheng nuai 37 a nih thu leh Progress partner-te hian Agriculture, AH&Vety, Commerce & Industries leh Horticulture Department hnuaiah tanpuina an dawn thu tarlan a ni. 

Horticulture Dept. hnuaiah hian tanpuina dawng mi sawmhnih panga (25) awmin AH&Vety Dept. hnuaiah hian tanpuina dawng mi sawmthum pakua (39) an awm a, Agriculture leh C&I Dept. hnuaiah hian tanpuina dawng mi panga (5) ve ve an awm bawk a ni. 

DIPRO, Pu F. Lalrinfela chuan Phase-I a Progress Partner titha zualte Sucess story tarlangin Pu S. Kaptluanga, SDO(Sadar) hnen atangin lawmthu sawina nen hun hi khar a ni.