2224/2026-2027 

Dated Khawzawl, the 16th September, 2026 : Vawiin khan Khawzawl Deputy Commissioner Pu K. Vanlalthiana kaihhruaiin DC Conference Hall-ah Sponsorship & Foster Care Approval Committee chu kum 2026-2027 atan kum tlinglo naupang te Sponsorship dawng thei tur thlan chhuahna hun neiin an thukhawm.

He hunah hian dilna (application) lut tamtak zinga naupang 169 te chungchang ngaihtuah niin, sponsorship dawng thei tur naupang 140 thlan chhuah an ni.

Sponsorship hi kum tin pek chhuah thin a ni a, naupang pakhatin thla khatah Rs 4000/- an dawng thin a ni. Sponsorship hi naupang kum tlinglo (18 yrs hnuai lam), a bikin harsatna hrang hrang nei leh tanpui leh chhawmdawl ngai bikte hnenah chauh pek thin a ni.

Sponsorship dawng thei tur hian naupang chhungkaw chanchin chu Child Protection lamin an zirchian hnuah chauh Committee ah hian pharh thin a ni a, committee  hian naupang chungchang zirchianna leh sawihona a neih hnuah dawng tlak ngei te chu a thlang chhuak thin a ni.