4433/2024-2025

Dated Hnahthial, the 25th February, 2025: Financial year 2023-2024 chhunga National Social Assistance Programme (NSAP) hnuaia National Family Benefit Scheme(NFBS) hamthatna dawngtu turte chu Hnahthial District Level Coordination Committee chuan thutkhawmna neiin vawiin khan an thlang fel a. Thutkhawmna hi Chairman leh Bawrhsap ni bawk, Pi Rita Lalnunmawii Pachuau chuan kaihruaiin Member Secretary, Pu CL Joseph, District Social Welfare & Tribal Affairs Officer , Lunglei District/Hnahthial chuan hamthatna dawng thei tura theh luhte chu a chhawp chhuak a ni.

National Family Benefit Scheme(NFBS) hamthatna hi chhungkua harsa zual, eizawngtu ber boral chhungte hnena pek tur a ni a. He scheme kaltlang hian boral chhungte hnenah Rs 20,000 pek an ni ang.

Hnahthial District tan NFBS hamthatna dawng tur mi 10 thlan theih niin committee chuan he hamthatna dawng thei tur, hming thehluh zingah a hnuaia tarlan te hi an thlang a ni.

1.    F.Lalawmpuii, Model Veng, Hnahthial South –I

2.    Lalchhanhimi, Pangzawl Ramrikawn/Pangzawl South

3.    Lalmawlsawmi, Rawpui

4.    Lalruathlui, Thingsai

5.    Lalparmawii, Thingsai Pem Veng

6.    R. Hmingchungnungi, Electric Veng, Hnahthial

7.    Lalchhani, Chhipphir

8.    Lalhmingchhuani, Rawpui

9.    C. Lalthanhrangi, Model Veng, Hnahthial 

10.   Lalmawizuali, Chanmari, Hnahthial South-III  

Thutkhawmnaah hian Committee Members an tel kim a. Pu HD Lalpekmawia, Project Director; Pu Hmingthanzuala, President Sub-Hqrs YMA; Pu Kawlhmingliana, President MUP leh Pi Lalthanpuii, President MHIP te chu Commitee Members an ni.

Meeting zawh hian Pu CL Joseph chuan Hnahthial District-a ruihhlo ngaite enkawlna hmun, Jehova Jire Camping Center chu a tlawh nghal a ni.