4432/2024-2025

Saitual, the 25th February, 2025: Vawiin chawhnu dar 1:00 khan DC Conference Hall, Saitualah, District Bawrhsap Dr. Lalngura Tlau kaihhruainain Chapchar Kut 2025 Celebration Committee, Saitual District an thukhawm a, Chapchar Kut 2025 lawm dan tur an rel.   

He hunah hian District Bawrhsap Dr. Lalngura Tlau chuan kalkhawmte hnenah lawmthu a sawi a, Saitual District Chapchar Kut 2025 Organising Committee tena chawpchilh taka ruahmanna fel fai tak an duang thei chu lawmawm a tih thu a sawi. Bawrhsap chuan Chapchar Kut 2025 hlawhtling taka hman a nih theih nan mipuite tanrualna a pawimawh tih sawiin, theih tawp chhuah tur leh thawhhona tha tak nei thei turin kalkhawmte chu a chah a ni.  

Pu R. Lalruatkima, Chairman, Chapchar Kut 2025 Organising Committee atang Committee ina Kut atana a lo ruahman hrang hrang te, mawhphurhna kengkawhtute leh hun hman dan tur te ngaihthlak a ni a, kalkhawm te chuan ngaihdan te sawiin siam rem ngai te an sawi ho nghal a ni.              

Saitual District-a Chapchar Kut, 2024 lawmna programme hi Saitual Public Playground-ah March ni 7, 2025, zing dar 10:30 AM hian neih tur a ni a. He hunah hian Kut Pa tan Prof. Lalnilawma, Minister of State chu beisei niin, a remchang lo a nih chuan Saitual District chhunga MLA dang te sawm an ni ang. Kut-ah hian rimawi, hnam lam, Mizo hunbi thuam leh hmanlai Mizo hmanrua te entir a ni ang a, eitur zawrhna food stall hrang hrang te siam niin, pangpar mawi tak tak te pho chhuah a ni bawk ang. “Chapchar Kut lanu leh tlangval” bakah, kum 12 hnuai lam mipa leh hmeichhia “Kut Hraite” leh kum upate zingah “Khuangchawi nu leh pa” te thlan a ni ang.   

Vawiin thutkhawm hi District Bawrhsap Dr. Lalngura Tlau chuan a kaihruai a, Chapchar Kut Celebration Committee member te kalkhawmin Chapchar Kut 2025 hman dan tur sawi ho a ni.