4431/2024-2025
AIZAWL; the 25th February,2025: Vawiin chawhnu dar 2:30 khan Pu C.Lalthanmawia IPS, DIG (NR) chuan Aizawl SP Office chei that a hawng a. DIG(NR) in SP office chei that a hawn hnu hian tunhnaia Aizawl District-a Mobile Phone rukbo/tihbo CEIR (Central Equipment Identity Register) Portal hmanga chhuichhuah thenkhat te chu a neitute kutah a hlan nghal bawk.
Mobile Phone rukbo hi Police Station-ah complaint dawn nasat leh thil thleng hluar em em mai a ni a, hemi avang hian ngawrh taka chhuichhuah hna kalpui thin a ni. Tun hnai kum thum chhunga kan chhuichhuah zat chu hetiang hi a ni:
Kum 2023 chhungin---------------------- 559
Kum 2024 chhungin----------------------
Kumin (2025) February thla thleng-----17
Police Station hrang hrang atanga Phone bo chhui chhuah 875 bakah hian Ministry of Communication hnuaia Department of Telecommunications-in a siam CEIR Portal hmangin Mobile Phone rukbo/tihbo 110 chhuichhuah a ni tawh bawk. Mobile Phone bo chhui hna hi ngawrh taka kalpui mek zel a ni a. Hengte hi a neitute hnenah pek kir zel a ni.
Vawiin programme tawi te hmanna-ah hian DIG(RN) Pu C.Lalthanmawia chuan Aizawl SP Office hnuaia CEIR Portal enkawltu leh phone chhuichhuahna kawnga hma latu ber C/265 Lalchhuansanga Khawlhring, Crime Branch, SP Office, Aizawl hnenah reward a hlan nghal bawk.
A chunga sawi tak hun hman zawhah hian Aizawl SP Pu Rex Zarzoliana Vanchhawnga leh a staff ten Nakthai (28/02/2025)-a superannuation pension a chhuak tawh mai tur Pu C.Lalthanmawia IPS, DIG(RN) thlahna thingpui ruai a buatsaih chu SP office chamber-ah inho nghal a ni a. He hunah thu sawiin Pu Lalthanmawia chuan kan Bible in “Mitin an chunga roreltute thu thuin awm rawh se..” a ti-a Roreltu a tih hi Sap tawng chuan ‘Authorities’ tih a ni a, chu chu kan chunga mi daih lal tak te kha a kawk hran lo,kan chung chiah, kan immediate boss te hi an ni. Chuvangin kan hotute thu awia, mahni mawhphurhna theuh rinawm tak leh tha taka hlen thintu nih i tum theuh ang u. Hotute hian zel thel taka hnathawk thin leh sincere taka hnathawk thin an nau te chu an hre chiang viau che u a ni. Rinawm tak leh taima taka an duty hlen thin te hi a ni a, a tawp a malsawmna dawng thin ni, tiin fuihna thuchah a sawi bawk.
