3841/2024-2025

Dated, Hnahthial the 16th January, 2025: Vawiin chawhma dar 11:00 khan DC Meeting Hall Hnahthial-ah Hnahthial District Agriculture Marketing Committee (DAMC) chu an chairman Pi Rita Lalnunmawii Pachuau, District Bawrhsap ni bawk kaihhruaiin an thu khawm a. He hunah hian Thlai Thar Marketing under Hand Holding Scheme, 2024 hnuaia Hnahthial District chhunga thlai thar, a bik takin Sawhthing hralh dan tur leh thil pawimawh dangte an ngaihtuah ho a ni.

Meeting kaihruaitu, DAMC Chairman, Pi Rita Lalnunmawii Pachuau chuan meeting koh a nih chhan te sawi fiahin sawrkar in thlai thar, a bik takin Sawhthing chu February ni 20 atangin a lei tan dawn thu a sawi a. Hnahthial District chhunga thlai thar lei tu tur Secondary Collection Centre (SCC) inbuatsaihna bakah an inpeih tawh dan te hriat vat a tul thu sawiin SCC Cluster tana Society Accountant leh Manager turte January thla chhung ngeia training neihpui dan tur te sawi ho a ni. Hnahthial District-a Sawhthing lei dan tur chungchang leh thil pawimawh hrang hrang ngaihtuah tur a nih thu a sawi bawk.

Pu Isak Lalremruata, Co-opted Member, Mizoram Agricultural Marketing Board (MAMB) in report a pek danin February ni 20 atangin Mizoram sorkar chuan Sawhthing a lei dawn a. Hnahthial District chhungah Sawhthing hi quintal sing li sang ruk za sarih (46700 qtls) chuang thar chhuah beisei a ni a. A tirah Hnahthial District atangin quintal sang nga zali (5400 qtls) lei phawt tur niin a dang pawh la lei leh zel tura ruahmanna siam a ni.

Meeting-ah hian Member Secretary - District Agriculture Officer (DAO), MAMB aiawh te, Addl. DC, Project Director, DRDO, District AH & Veterinary Officer (DVO), Divisional Forest Officer (DFO), District Civil Supplies Officer (DCSO), District Horticulture Officer (DHO); District Soil Conservation Officer (DSCO), Sr. Scientist & Head, KVK te leh District Fisheries Development Officer (DFDO) te an tel a ni.