1793/2026-2027

Dated Hnahthial, the 14th August, 2026: Vawiin khan Hnahthial District chhunga sawrkar pisa-te chuan Independence Day, 2026 pualin a hmanna hmun tur, HDSC/HDFA Synthetic Turf Ground tihfai leh a hmunhma buatsaih hnatlangpui chu an nei a. Office hrang hrangte chu an thawh tur chanpual theuh pek niin DC Office lamin an ho a ni.

Addl DC, Pu Zothanmawia Khiangte chuan India ram tana ni pawimawh tak mai puala rawn hnatlang office-te chungah lawmthu sawiin kum tin mai sawmna ngai pawimawh a thanhnem tak an rawn hnatlang thin chu lawmawm a tih thu a sawi a. Buatsaih tul ang angte chu vawiin hnatlangah hian an tihfel theih thu sawiin Independence Day muanawm leh hlawhtling tak an neih leh ngei theih a beisei thu a sawi bawk.

Hnahthial District-ah Independence Day hi Cabinet Minister, Pu Lalthansanga chuan khuallian niin a hmanpui ang a. Zing dar 10:30-ah tan tur niin NCC, Pipe Band leh School Parade Contingent-te hnen atangin March Past hmuhnawm tak thlir theih beisei an ni.