1794/2026-2027

Siaha the 14th August 2026: Vawiin chawhnu dar 1 khan Pu Lalnghinglova Hmar, Minister of State (i/c) Labour, Employment, Skill Development & Entrepreneurship Department etc chu Independence day hmanpui turin Siaha a thleng. 

Tourist lodge-ah Siaha DC Pu VL Hruaizela Khiangte leh mi pawimawh dangten an lo hmuak a. Inkawmhona hunte hman a nih hnuah Asst. Commissioner’s Office, Excise & Narcotics Siaha District a tlawh nghal.

Office of Asst. Commissioner Siaha-ah hun hmannaah hian Minister Pu Lalnghinglova Hmar chuan thu sawiin sawrkar hnathawkte chu mahni hnaah rinawm taka thawk tur kan ni a, Khawtlang leh ram hmasawnna atan theihtawp chhuah chu kan mawhphurhna a ni, a ti. Thawktute chu hriselna ngaipawimawh turin a chah a, Constable recruitment rules-ah pawh Physical Efficiency Test leh Written in mark inang a pu tawh tiin in uluk hle tur leh zuk leh hmuam, Ruihtheihthil laka fihlim turin a chah a ni. Damdawi zuar tura license nei, dan phal loh damdawi zuar te chu huaisen takin dan ang taka an chungah hma la zel turin a chah a, chung an hmalaknaah chuan Kohhran leh Khawtlang bakah NGO hrang hrangte puihbawmna leh tawiawmna a ngen nghal bawk a ni. 

Pu Z. Lalhmangaiha, Commissioner of Excise & Narcotics chuan department hmasawnna hrang hrang a tarlang a.  Chak taka hma la a, hmahruai thintu Minister chungah lawmthu a sawi bawk a ni.