2773/2026-2027

Dated Hnahthial, the 22nd October, 2026 : Vawiin khan District Rural Development Office (DRDO) Conference Hall, Hnahthialah Lok Sabha Member of Parliament, Pu Richard Vanlalhmangaiha hovin Hnahthial District chhunga Head of Office hrang hrangte chuan Sawrkar Laipui Scheme hnuaia hmalak tawh dan tarlangin District Development Coordination and Monitoring Committee (DISHA) chu neih a ni a. Meeting-ah hian Hnahthial District-a Office/Department hrang hrang 15-te hnen atangin April 2026 atanga September 2026 chhunga an hmalakna tawhna te thlir ho a ni.

MP chuan department hrang hrangte hmalakna a ngaihthlak hnuin scheme tihhlawtlinna tur atana office hrang hrang mamawhte sawi ho nghal a ni a. Office hrang hrang hnathawhte chu fakawm a tih thu sawiin he review meeting neih leh hunah chuan tun thutkhawmna atanga hmalakna - Action taken-te chu lo siam ni se a duh thu a sawi a. Ram tan kan thawk a ni tih hria hre reng chungin kan duty-te tha taka hlenchhuak zel turin Office hotu kalkhawmte a chah a ni.

Hnahthial District Bawrhsap, Pi K. Vanlalruati chuan MP viak tha leh District ngaihsak tak kan nei chu lawmawm a tih thu sawiin dan ang taka District zawng zawng a hmun ngeia tlawh chhuak a, DISHA meeting a neihpui thin chu a ropui a tih thu a sawi a. He review meeting hian Hnahthial District tan hmasawnna rahchhuah tha a neih ngei a beisei thu a sawi a ni.

Meeting-ah hian Hnahthial District-a Office/Department hrang hrangte'n kum 2026-27, 1st leh 2nd Quarter chhunga Central Scheme hnuaia an hmalakna langsar zualte chu an tarlang a ni.

Agriculture & Farmers' Welfare Department:

Central scheme hrang hrang pakua (9) hnuaiah hmalak mek a nih thu tarlan niin training hrang hrang pawh buatsaih nual a nih tawh thu tarlan a ni a. Hnahthialah Soil Health Card pek chhuah a nih thu te, NMEO hnuaia Tung chingtute tana tanpuina pek a nih dan te bakah PM Kissan hnuaiah tanpuina dawng thei loneitu 5575 an awm mek thu te tarlan a ni.

Animal husbandry & Veterinary Department:
Central Scheme Pahnih – NADCP leh NLM hnuaia hmalakna te thlir ho niin NADCP hnuaiah hian Thingsaia Animal Check Gate siamna turin cheng nuai 10 (Rs.10 lakhs) dah a nih tawh thu tarlan a ni a. NLM hnuaiah hian loneitu thlan bik panga hnenah cheng sing nga (Rs. 50,000) dah a ni thu tarlan a ni bawk.

Fisheries Department: PMMSY atangin beneficiaries 350-te hnenah tanpuina sum pekchhuah a nih tawh thu tarlan a ni a, District Catalytic Intervention Plan hnuaiah luidung hmuhalh nan CCTV 15 semchhuah a nih tawh thu tarlan a ni bawk.

Food Civil Supply & Consumer Affairs Department: Hnahthial District-ah Gas Agency pahnih – Fidelia leh CL Indane-te an awm thu tarlan niin PMUY hnuaih beneficiaries 2,203 an awm mek thu tarlan a ni a. NFSA hnuaiah October ni 12, 2026 thleng khan AAY(Card eng) hnuaiah beneficiaries 1873 awmin PHH (card pawl) hnuaiah beneficiaries 15310 an awm mek thu tarlan a ni bawk. ONORC chu tluang taka kalpui zel a nih thu tarlan niin October ni 13 khan centre pangaah a vai belhkawmin buhfai quintal 5078.46 dah khawl a awm mek thu tarlan a ni.

Health & Family Welfare Department: April 2026 thleng khan District chhungah mi 31,005 awm anga chhinchhiah niin sub centre panga an awm mek thu tarlan a ni a. JSSK, NTEP leh RBSK hnuaia hmalaknate thlir ho a ni bawk.

Krishi Vigyan Kendra: King Chilli chin leh processing lamah hmalak nasat a tul thu tarlan niin UD&PA nen tangkawpa Swachhata Action Plan (SAP) kalpui a nih dan te tarlan a ni.

Lead District Manager: PMMY, PMJDY, Social Security Schemes, PMEGP, KCC, Handholding leh NRLM hnuaia loan leh enrolment neih dan te tarlan a ni a. Handholding hnuaiah hian dilna thehlut an tlem avangin District dang aiin loan pekchhuah chu a tlem thu tarlan a ni.

NHIDCL: Hnahthial Bypass road, 6.99 km a sei chu 99.28% zawh a nih tawh thu tarlan niin working season-ah hian thawh tan leh tur a nih thu tarlan a ni a, chumi hma chuan completion certificate pek an la nih loh tur thu tarlan a ni. Pangzawl khawchhung kawng chhia chu compensation buaina avanga khawih tan theih loh a nih thu leh Arbitrator-in a endik tur tarlan a ni a, Hnahthial khawchhung atanga Lunglei kalna highway chu a enkawltu dik tak lo chhuichuak turin MP chuan Hnahthial Bawrhsap a hrilh bawk.

P&E Department: RDSS hnuaiah hian Hnahthial khawchhung tan hna 50% zawh fel a nih tawh thu tarlan niin khaw dang zawngah chuan 99% zawh fel a nih tawh thu tarlan a ni a, Free connection pekchhuah an la hmabak thu tarlan a ni bawk.

PHED: JJM, SBM(G) leh AMRUT 2.0 hnuaia an hmalak tawhna te thlir ho niin JJM hnuaiah hian software component leh pump management lamah hma an lak mek thu tarlan a ni a. SBM hnuaiah khaw 27 tan twin compost pit 68 siam propose a nih thu leh tui hna tihpunna (Groundwater recharge) turin hmalak mek a nih thu tarlan a ni. District Catalytic Intervention Plan hnuaiah Tarpho Water Suply scheme tih changtlun tum a nih dan te tarlan nghal a ni.

RD&A Department: VB-GRAM-G hnuaiah Job card 7304 an awm mek thu tarlan niin October thleng khan ni 80 inhlawhna siam a nih tawh thu tarlan a ni a, Material Component hnuaiah cheng nuai 176.3 (Rs176.3 lakhs) hman a nih tawh thu leh Wage Component hnuaiah cheng nuai 441.78 hman a nih tawh thu tarlan a ni. Tun dinhmunah hna 139 thawh zawh a nih tawh thu leh hna 249 thawh mek a nih thu tarlan niin MzSRLM, DDU-GKY, RSETI, PMAY-G leh PMKSY 2.0 hnuaia hmalak tawhna te tarlan a ni bawk.

School Education Department: Cherhlun leh Thingsaiah Higher Secondary School provincialized thar a nih thu tarlan niin PM POSHAN leh Samagra Shiksha hnuaia an hmalakna te tarlan a ni a, PARAKH assessment-ah an hniam thu tarlan a ni bawk. Hei bakah hian SNA-SPARH avanga fund delay a tam thu tarlan a ni.

Social Welfare Department: NSAP atangin Pension Scheme hrang hrang chu September, 2025 ami thleng, DBT hmanga pekchhuah a nih tawh thu tarlan niin National Family Benefit Scheme atangin mi 10 tan tanpuina sum Rs. 20,000 theuh May 2026 khan pekchhuah a nih thu tarlan a ni.

UD&PA : Rotlang ‘E’ ah Hnahthial khawchhung tana bawlhhlawh paihna tur - Solid Waste Management Centre sak hna thawh mek chu 96% zawh fel a nih thu tarlan a ni a, PMAY(U) 1.0 hnuaiah beneficiaries 1119 an awm thu tarlan niin PMAU(U) 2.0 hnuaia dawng turte tan sensitization program neih a ni tawh thu tarlan a ni bawk. Green Space/Park hi AMRUT 2.0 hnuaiah Rallangtlangah siam tum a nih thu leh December hma a zawh hman an beisei thu tarlan a ni a, SBM 2.0 hnuaiah khawpui cheina atana an hmalaknate tarlan a ni bawk.

WCD: Anganwadi Centre 115 an awm thu tarlan niin Rashtriya Poshan Maah hnuaiah beneficiaries 3367 an awm thu tarlan a ni a, DHEW hnuaia hmalaknate leh One Stop Centre hnuaia hmalakna te tarlan a ni bawk.