2774/2026-2027 

Dated Khawzawl, the 22nd October, 2026 : Vawiin khan Pu F. Rodingliana, Minister, Power & Electric Department chuan Khawzawl District-a Tuichang Pump Storage Plant sakna tur hmun a tlawh a. Hemi hnu hian DC Conference Hall-ah Khawzawl District Head of Office-te nen an thukhawm.

Tuichang Pump Storage Plant hi power-a Mizoram kan intodelh theihna tura hmalakna a ni a. Plant sakna tur hmun hi Vankal Solar Plant atangin km 5 vela hla niin, transmission loss awm lovin Solar Plant-a power siam chhuah a dah khawl (storage) theih dawn a. He project hi Open Loop Pump Storage Plant tura ruahman a ni a, Vankal khuaa Pi lui-ah upper reservoir siam a ni dawn a, lower reservoir hi Tuichang-ah siam a ni ang. Minister hi Dr. H. Lianzela, Secretary, P&E Dept, Pu Lalhmunsanga Hnamte, Director, Commerce & Industries Dept, Er. PB Laltanpuia, EE, P&E Dept leh Khawzawl P&E Dept hotuten an tawiawm a ni.

Sawrkar hotute nen thutkhawmah hian Minister Pu F. Rodingliana chuan thu sawiin, Khawzawl District-a sawrkar department-te an changtlung a tih thu a sawi a. Department hotute chu sawrkar kut leh ke an ni a, kan ram siam tura hmanrua pawimawh tak an ni a, thingtlang kil thlenga mipuite harsatna leh hmalak tul awmte hrechiang tu an nih thu sawiin, an department theuhah ram hmasawnna tura theihtawp chhuah zel turin a chah. He thutkhawmah hian Khawzawl DC Pu K. Vanlalthiana, Khawzawl SP Pu Amit Kaushik leh sawrkar hotu dangte an tel a ni.