2109/2024-2025

Dated Hnahthial, the 18th September, 2024: Vawiin khan Hnahthial DC Conference hall ah District Hub for Empowerment of Women(DHEW) buatsaihin "Launching of Mission Shakti and Felicitation of International Literacy Day" puala hun hman a ni a. Hnahthial Bawrhsap Pi Rita Lalnunmawii Pachuau chuan khuallian niin Mission Shakti hawnna hun a hmang a ni.

Bawrhsap chuan sawrkarin hmeichhiate chawikan nan leh venhim nana a hmalakna, Mission Shakti hawnna hun hman theih a ni chu lawmawm a tih thu a sawi a. Mission Shakti chu hmeichhiaten an dinhmun, an nih theih tur an luah phak loh an luah ve theih nan bakah mipa leh hmeichhiate intluktlan zawk theih nana hmalakna anih thu sawiin hemi atang hian sawrkar laipuiin hmeichhiate hamthatna a ngai pawimawh a ni tih a lan thu a sawi a. Hemi anih rual hian hmeichhiate tan tumruh, tuarchhel leh taimak a pawimawh tak zet thu sawiin heng hi kan nitin nuna kan tuh chuan kan thlen tum aia sangah pawh min vawrh thei an nih thu a sawi. He huna school naupang kal khawm zawng zawngte chu taima taka zirna lamah tanga, Hnahthial district tana chhawr tlak, ti hming tha tu ni ngei turin a sawm a ni.

He hunah hian Pi Lalrinpuii, DMC, DHEW, hnen atang DHEW in Mission Shakti chungchanga hmalakna kalpui dan report tawi ngaihthlak a ni a. Hnahthial District chhungah hmeichhiate dinhmun dik tak hriat chian nan survey te kalpui tawh niin School leh hmun hrang hrangah Mission Shakti chungchang inhrilhhriatna, Awareness campaign chu neih a ni bawk a. One Stop centre, August thla chhunga hmalaknate chu ngaihthlak niin Shelter mi 2 hnenah pek an ni tawh a. Counselling min 5 hnenah pek niin, Legal aid mi 3 hnenah pek an ni tawh bawk. Emergency response leh FIR thehluh chu thla hmasa, August thla chhung khan a la awm lo a ni.

He hunah hian 'Beti Bachao Beti Padhao' denchhena on the spot essay writing leh painting competition lawmman semna neih niin lawmman dawngtute chu:

Essay Writing competition (Middle School)

1st Prize: F. Lallawmzuali, Class  VIII, SMS

2nd Prize: Lalramengmawii, Class VIII, MES Pangzawl 

3rd Prize: Emily Lalruatsangi, Class VIII, BES Tuipui 'D'

Essay writing competition ( High School)

1st prize: Lalbiaknii, Class X, Govt. Thiltlang HS

2nd prize: Lalhmangaihkimi, Class X, Govt. Pangzawl

3rd Prize: Ramngaihawmi, Class X, Govt. Thiltlang HS

Painting competition 

1st prize: Hmingthansangi, Class IV, BES

2nd Prize: Kamchungliana, Class IV, Bualpui

3rd prize : Zorinsanga, Class IV, SMS

Consolation prize:

1. LP Rohluzuala, Class IV, MES Pangzawl

2. LP Lalramchana, Class IV, Rotlang 'E'

He hunah hian CDPO, Pi LT Rose Mary Hnamte chu Chairman niin DEO, Pu H. Sangthanga hnen atang thu ngaihthlak a nih hnuah Pu V. Lalchhanhima, DHEW, Hnahthial hnen atang lawmthu sawina in hun hi khar a ni.