3918/2024-2025

Dated Hnahthial, the 23rd January, 2025: Ruihhlo beihpui thlakna, Nasha Mukt Bharat Abhiyaan (NMBA) Committee thutkhawmna chu Hnahthial District-ah neih niin District Bawrhsap, Pi Rita Lalnunmawii Pachuau chuan thutkhawmna hi a kaihruai a. NMBA kalpui tawh dan thlir letna neih niin kalpui leh zel dan tur rel hona neih a ni.

Bawrhsap chuan Hnahthial District chhunga Nasha Mukt Bharat Abhiyaan kalpui a nih tawh dan te chu thlir letin lawmawm a tih thu a sawi a. Ruihhlo do na atana budget sum dawn tawh chin chu tha taka hman a nih thu sawiin hman tawh chinah UC felfai taka submit a nih tawh thu a sawi a. Heng hmalak tawhna leh hmalak leh zel dan tur hi ruihhlo dona kawngah Hnahthial district tan rah tha tak a chhuah ngei theih a beisei thu a sawi a ni.

Ruihhlo dona tur atana sum la dawn tur hman dan tur Sub-committee, Addl DC Pu Zothanmawia Khiangte kaihhruaia Action plan siam chu Committee-ah hian pharh niin sawi hona hun neih a nih a. Tih danglam ngai te siamthat a nih hnuah Nasha Mukt Bharat Abhiyaan Committee chuan lungrual takin Action plan hi a pawm a ni. 

Hnahthial District-ah Excise & Narcotics a lo awm ve takah chuan Excise & Narcotics Inspector chu NMBA committee member ni ve turin thutkhawmna hian a rel bawk a ni.

Dr. R.Lalsanglura, Chief Medical Officer; District Education Officer aiawh; Pu Zonghinga, Sub- Divisional Police Officer; Pu R. Vanlalruata, Sub Deputy Comissioner; Pu Moses Lalchhuanawma, Field Falicitator, Hoi Philoi; Pu Hmingthanzuala, President, Sub Hqrs YMA, Hnahthial leh Pu F. Zosangliana, President, MJA, Hnahthial te chu he thutkhawmnaah hian an tel a ni.