3919/2024-2025

Dated Kolasib the 23rd January 2025: Vawiin khan Kolasib District Horticulture office buatsaih, Horticulture Fair cum Exhibition 2025 Kolasib venglai Bazar building chunga neih chu Pu Robert C Lalhmangaiha, DC Kolasib in khuallian niin a hawng.

He hunah hian Khuallian chuan Horticulture Department pawimawhna a lan chhoh zel thu sawiin, kolasib chu leilung behchhana eizawngtute puihna kawngah sawrkar in hma a la nasa a, heng te avang leh kuthnathawktute thawhrimna avangin Kolasib district chu thei leh thlai thar chhuah lamah hma a sawn takzet a ni, a ti. Vawiina pangpar mawi tak tak leh thlai leh thei thar chhuahte an lo phochhuak chu hmuh a nuam takzet a ni, a ti a. Kuthnathawktu ten an thar chhuah te hlu zawka lo siam danglam tu Kolasib Agro Marketing Cooperative  Society ten Dragon fruit leh Theiherawt atanga Juice an han siamchhuak te chu hmasawnna pawimawh tak pakhat a nih thu a sawi bawk.

Vawiin Program hi Pu Lalnunpuia, District Horticulture Officer chuan a kaihruai a.  Exhibition ah hian stall hrang hrang 17 awmin, horticulture kaihhnawih thil siamchhuah hrang hrang te, thlai thar chhuah te bakah thlai enkawlna lam te, pangpar leh plant chi hrang hrang te phochhuah ani a, exhibition a lawmman dawngtu te  lawmman an sem nghal bawk . He Horticulture Fair cum Exhibition hi ni hnih awh tura ruahman a ni.