1242/2026-2027

Dated Hnahthial, the 1st July, 2026:

Vawiin khan Hnahthial North Health and Wellness Centre-ah, Dr. Lalnunziri, Sr. Chief Medical Officer kaihhruaiin National Immunization Day (NID) chu Hnahthial Bawrhsap, Pi K. Vanlalruati'n a hawng a. Naupang rawn kalte hnenah oral polio vaccine pek nghal an ni. 

Bawrhsap chuan India ramah Polio chu um bo ni tawh mah se kan ram thenawmah um bo a la nih ve loh avangin a rawn luh thar leh loh nan Oral Polio Vaccine chu lak reng a la nih thu a sawi a. India sawrkar pawhin Universal Immunization Program pawh chu ram hrang hrang nen tangrualin a kalpui thu sawiin vaccine dawng tur tam thei ang berin dawng se tih chu an tum ber a nih thu a sawi a. Vaccine hrim hrim chu hri hlauhawm laka kan invenna hmasa ber pawl a nih avangin vaccine chu a hun dik taka, a dose dik tak lak chuan keimahni mai bakah kan thlahte zel kan venna a ni tih hria a, ngai pawimawh thar turin kalkhawmte chu a chah a ni. 

Programme ah hian kum 5 chin hnuai lam naupangte hnenah oral polio vaccine pek niin Pi F. Lalnuntluangi, CDPO chuan lawmthu sawiin hun a khar a ni. 

SNID pualin Hnahthial District-ah hian oral polio vaccine hi booth 40 ah pek a ni.