1241/2026-2027

Aizawl; 1^st July,2026: Vawiin khan Aizawl DC Pisapui Hall-ah District Consultative Committee(DCC)/District Level Review Committee (DLRC)/ District Level Security Committee (DLSC) (for quarter ended December, 2025) meeting neih a ni a. Meeting hi DCC/DLRC/DLSC Chairman aiawhin Pu Vanlalrova, Addl.DC chuan kaihruaiin,meeting-ah hian Quarter ended March,2026 thlenga Aizawl district chhunga Bank hrang hrang te hnathawh leh hmalakna te, Sawrkar Department nena sawrkar laipui schemes leh Projects hrang hrang te tih hlawhtling tura thawhho dan te leh Bank Security chungchang te thlir hova, huang zau taka sawi ho a ni.

Vawiin meeting Chairman Pu Vanlalrova chuan Quarter hmasa zawk meeting aia vawiin meetinga concerned department-a Head of Office te leh Banker te Kokim zawk a an tel thei chu lawmawm a tih thu sawiin, Pu Vanlalrova chuan  DCC/DLRC/DLSR quarterly meeting hi Bank hrang hrang ten engtin nge mipui rawng an bawl tih enletna te, hmasawn an ngaihna leh tan an lak zual ngaina lai te, Bank Security leh a khaihhnawih thil te,sawrkar department nen tha zawka thawhho dan tur te sawihona leh inhrilhhriatna platform pawimawh tak a ni a. Chuvangin meeting  hi ngai pawimawh hle turin kalkhawm te a chah a. Sawrkar laipuiin mipui te hamthatna tura project leh scheme hrang hrang a duan te tih hlawhtling tir tura Banker te leh concerned sawrkar Department te hi thawkho tur kan ni a.Mipui lainatna leh hmangaihna nena kan hna hi tha taka thawk turin sawrkar chuan min beisei a ni, a ti bawk.

Vawiin meeting-ah hian DCC & DLSC hnuaiah heng agenda hrang hrang te:

I. Adoption of Minutes

II. Security Related Issues

III. Currency Management-Remittance issues

IV. Review of Bank wise Progress under Social Security Schemes

V. Review of Non Performing Assets (NPA)

te hi  chhawpchhuah a ni a.

DLRC hnuaiah heng:

I. Review of Credit/Deposit Ratio.

II. Review of Current Year Credit Disbursement under ACP (Priority Sector).

III. Review of Current Year Credit Disbursement under ACP (Non-Priority Sector).

IV. Review of Bank wise progress under SHG.

V. Review of Bank wise progress under KCC.

VI. Review of Bank wise progress under PMEGP.

VII. Review of Bank wise progress under Pradhan Mantri Mudra Yojana (PMMY).

VIII. Review of Bank wise progress under PMJDY.

te hi chhawpchhuaha khelho a ni bawk.

Quarter ended March,2026 a Aizawl District pumpuia overall CD ratio hi 43.50 niin, Quarter ended December,2025 (CD Ratio-45.48%) aiin 1.98 in a tlem zawk ni. Quarter ended March,2026 chhunga CD Ratio tam ber hi Indian Bank niin, 464.97% a ni a. A tlem ber hi YES Bank niin, 5.27% a ni thung.

Aizawl district chhungah hian Bank 24 awmin, chung zing atang chuan CD ratio 20% hnuailam Bank 4 an awm a.20% to 30% inkar nei Bank 2 awmin, 40% aia tam CD Ratio neih Bank 18 an awm mek a ni.