3564/2024-2025

Dated Hnahthial, the 17th December, 2024:  Vawk pul hri - African Swine Fever (ASF) laka Hnahthial District a lo him zawk theih nan a hnuai ami ang hian Hnahthial Bawrhsap, Pi Rita Lalnunmawii Pachuau chuan thupek a chhuah.

ORDER

(Under Section 163 of Bhartiya Nagarik Suraksha Sanhita, 2023)

Mizoram hmun hrang hrangah Vawk pul hri, African Swine Fever (ASF) leng mek hian min la kian san loh avangin Hnahthial District chhunga vawk la dam tha lai te an lo him zel theih nan leh hri darh zel loh nan khuahkhirhna chhuah chhunzawm a lo tul leh fo a.

Chuvangin, kei, RITA LALNUNMAWII PACHUAU, District Magistrate, Hnahthial District hian Under Section 163 of Bhartiya Nagarik Suraksha Sanhita, 2023 in thuneihna min pek angin a hnuai ami ang hian thupek ka ti chhuak e.

1) Hnahthial District chhungah ram dang atang leh State dang atangin Vawk, Vawksa leh vawksa atanga thil siam reng reng lak luh phal a ni lo.

2) Tualchhung vawk talh tur reng rengin vawk hrisel tha ngei a ni tih finfiahna Veterinary Officer, Hnahthial emaw mahni khua theuha VC/VFA hnen atangin an nei ngei tur a ni.

3) Hnahthial District chhunga hri lenna hmun (infected area) atangin vawk, vawk sa leh vawk atanga thil siam reng reng lakluh leh thawnchhuah khap tlat a ni.

4) Vawk damlo nei reng reng ten a rang thei ang berin District Veterinary Hospital-ah emaw mahni khua theuva VFA /VC te hnenah an report thin tur a ni.

5) Vawk thi reng reng paih mai lovin disinfectant (chinai/ bleaching) nen thuk taka phum tur a ni.

6) Vawk neitu ten vawk damlo an hralh/talh tur a ni lo.

He thupek zawm lo chu Section 223 of Bharatiya Nyaya Sanhita, 2023 dan hmangin hrem theih a ni ang. He thupek hian tul bik thila tihdanglam a nih loh chuan tihchhuah a nih atanga thla 2 (hnih) chhung a huam ang.