3563/2024-2025

2024 Pawltlak thla ni 17: Lunglei District Superintendent of Police Pu J. Lalmuankima chuan nimin, December 16, 2024 khan a hnuaia mi ang hian Lungleia Mizoram Youth Festival hun hman chhunga lirthei tlan dan tur leh hun dan tur chungchangah hriattirna a chhuah.

"Dt. 17.12.2024 - 20.12.2024 inkar hian Mizoram Youth Festival chu C. Ṭhuamluaia Mual, Lungleiah nghah a ni a, programme hi dar 06:00 PM aṭanga ṭan ṭhin tur a ni. Festival hun chhung tlai 05:30 PM hnu lam apianga lirthei tlan dan tur heti ang hian ruahmanna siam a ni.

"Lirthei kal theihna leh kal theih lohna:

1. Chhuk zawngin Tlabung peng aṭang chauhin lirthei tlan thlak phal a ni ang. Bazar High School (Mandir Peng) lam aṭangin lirthei eng chi mah tlan thlak phal a ni lo (Hei hi Festival chhungin tlai dar dar 03:00 PM aṭang zel a ni ang).

2. Chho zawnga lirthei kal turte tan LMV chin chung lam tan Tlabung peng lama chhoh tur a ni ang a, Two Wheeler tan Bazar High School (Mandir Peng) lamah tlan chhoh tur a ni ang.

"Lirthei dahna tur ruahmanna:

1. LMV tan lirthei dahna tur:-
(1) Venglai Traffic Point thlang, Agent Lane (Auto Rickshaw Stand) atangin F. Lalsawmkima, Bazar Veng, Lunglei in thleng.
(2) Mizoram Dresses aṭangin MJA Office peng thleng.
(3) Lunglei Gov't College Campus chhung.

2. Two Wheelers tan lirthei dahna tur:-
(1) F.Lalsawmkima, Bazar Veng, Lunglei in zawn aṭangin PWD Office thlang Saikuti Hall panna pengah.
(2) Parallel Road peng aṭangin Mizoram Dresses inkarah.
(3) Lunglei Gov't College quarters kawt.
(4) C. Ṭhuamluaia Mual chhak gallery hrulah a dung zui zawngin.

"Ruahmanna hian dan leh thupek kengkawhtu Police, Magistrate, Quick Response Team, Fire & Emergency Service, Medical Duty te a huam lo ang. Thupek zawm lo chu an chungah dan anga hma lak a ni ang."