2695/2024-2025

Dated Hnahthial, the 25th October, 2024: Vawk pul hri - African Swine Fever (ASF) laka Hnahthial District a lo him zawk theih nan a hnuai ami ang hian Hnahthial Bawrhsap Pi Rita Lalnunmawii Pachuau chuan thupek a chhuah.

ORDER

(Under Section 163 of Bhartiya Nagarik Suraksha Sanhita, 2023)

Tunlai hian Mizoram hmun hrang hrangah Vawk pul hri, African Swine Fever (ASF) a leng a. He natna hi tihdam theih loh a nih avangin leh he natna hri atanga Hnahthial District chu kan lo him zel theihna turin khapna thupek chhuah chhunzawm a lo tul leh ta a.

Chuvangin, kei, RITA LALNUNMAWII PACHUAU, District Magistrate, Hnahthial District hian Under Section 163 of Bhartiya Nagarik Suraksha Sanhita, 2023 in thuneihna min pek angin a hnuala mi ang hian thupek ka ti chhuak e:

1) Hnahthial District chhungah India ram pawn atang leh State/District dang atangin Vawk, Vawksa leh vawksa atanga thil siam reng reng lak luh phal a ni lo.

2) Hnahthial District chhungah pawh khaw pakhat atang khaw dang a vawk phurh/lak sawn phal a ni lo.

3) Tualchhung Vawk talh tur reng rengin Vawk hrisel tha ngei a ni tih finfiahna Veterinary Officer, Hnahthial emaw mahni khua theuha VC/VFA hnen atangin an nei ngei tur a ni.

4) Vawk damlo nei reng reng ten a rang thei ang berin District Veterinary Hospital-ah emaw mahni khua theuhva VFA /VC te hnenah an report thin tur a ni.

5) Vawk thi reng reng paih mal lovin thuk laka phum tur a ni.

6) Vawk neitu ten vawk damlo an hralh/talh tur a ni lo.

He thupek zawm lo chu Section 223 of Bharatiya Nyaya Sanhita, 2023 dan hmangin hrem theih a ni ang. He thupek hian tul bik thila tihdanglam a nih loh chuan tihchhuah a nih atanga thla 2 (hnih) chhung a huam ang.