2694/2024-2025

25th October, 2024 : Pu Lalramsanga Sailo IRS, Secretary t Excise & Narcotics Department (E&ND)  leh Sports and Youth Service chuan vawiin khan Excise & Narcotics Department Office Champhai leh DSYO Office a tlawh.

Secretary hian Excise Office a tlawh hmasa a. Thawktute nen an inkawm ho a, Excise Department-a thawktute thahnemngai taka  thawh rah in  mimal leh chhungkua, ram leh khawtlang himna a thlen fo thu a sawi.Thalaite ruihhlo laka an fimhlim theihna turin Departmenta thawktute chu an pawimawh thu sawiin ruihhlo dan chah a nih theihna tura theihtawp chhuah chhunzawm zel turin a chah bawk a ni.

Exicise & Narcotics Dept-a thawktute nena inkawmhona hi Pu C Thangchuanga Assistant Commissioner of Excise Champhaiin kaihruaiin kumin chhunga an hmaklakna hrang hrangte a report a ni.

Hemi zawhah hian  District Sport and Youth Services Office, Champhai a  tlawh chhunzawm a,  thawktute nen an inkawm bawk a, thawktute nen hian chak zawka sports huanga hmalak dan tur an sawiho. SYS Secretary hian Vanlallawma Indoor Stadium (VANIS) Building chhelai chei that dan tur a hmunah kalin a enfiah nghal a. Nimin lam  khan Chhangphut Field a flood light siam mek a en nghal bawk a ni.