1257/2023-2024

Hnahthial The 25th July 2023: District IPRO leh Mizoram Journalist Association (MJA) Hnahthial tangkawpin a an huaihawt Press Accreditation Card semchhuahna chu vawiin khan District Bawrhsap Pu R Lalremsanga chuan DC Conference Hall-ah hmanpuiin Hnahthial District huam chhunga MJA member mi 6-te hnenah Press Accreditation Card hi a hlan nghal.

Vawiin inkhawmah hian Pu R Lalremsanga chuan Hnahthial District atanga Journalist mi 6-te hnena Press Accreditation Card semchhuah a ni leh thei ta chu lawmawm a tih thu sawiin, thudik leh tluantling mipuite hrilhhriatna kawngah tan la zual sauh sauh turin a fuih a,sawrkar in a pawmpuinate chu vawngnunga thu dik leh rintlak chauh chhawpchhuaktu ni fo turin a chah a ni. Tunlai social media chak tak leh thuthang tam tak karah District Bawrhsap chuan kalkhawmte chu an thu dawn te thlifim hmasa phawt thin turin a chah a, thudik ziktluak lo puanchhuahin harsatna tam tak a thlen theih thu sawiin fimkhur taka thu chhuah thin turin a fuih bawk. Press Accreditation Card chuan mawhphurhna lian tak a ken tel avangin a vawngtu theuhte chu mawhphurhna hlen chhuak tura tan la theuh turin a chah bawk a ni.

Vawiina Press Accreditation Card semna hun hi District Bawrhsap Pu R Lalremsanga bakah Addl . DC Pu Lalvenhima pawhin a tel pui a ni.

Hnahthialah hian MJA member 6 awm mekin Pu F Zosangliana chuan President dinhmun a chelh mek a ni.