No.244/2020-2021
District Diaster Management Authority leh DLTF, Hnahthial District ngenna/ruahmanna angin, Medical Officer i/c Hnahthial District Hospital ten ruahmanna siamin, Hnahthial District chhunga Company hrang hrang hnuaia hnathawktute leh Labour te, Hnam dang inhlawh tangkhang awm te chu an chenna (Camp) ah April 7-8, 2020 khan Hnahthial District chhunga Health Department hnuaia thawktu ten kal chilhin an hriselna an endik sak a, dinhmun thalo leh ngaihtuahawm an awm lo. Tin Covid-19 chungchang Awareness pawh neih nghal niin he hrileng laka invendan tlangpui - tih turte leh tihloh turte inzirtirna hun hman a ni bawk.
Hnahthial District chhungah hian sorkar Official-te chuan survey neiin hnathawk tangkhang (Stranded worker) te hi hmun pasarih (7) ah Camp neiin an inkhuar mek a, an vaiin mi 580 an ni. Chungte chu :-
1. Bhartia Infra Projects Ltd. (BIPL) (Contract Package-3 under NH 54) - Rawpui : mi 137
2. ABCI Infrastructures Pvt. Ltd (Contract Package-4 under NH 54) - Kutkawk : mi 234
3. Satguru Engineers & Allied Services (Hnahthial - Haulawng under PWD) - Mat : mi 120
4. SLT Infracon ( Hnahthial - Tumtukawn under PWD) - Tuiphai : mi 35
5. Mizoram Technocrats Company - Govt Hnahthial College : mi 21
6. Labour Camp of Lalhmingliana & C.Vala - Hnahthial North I : mi16
7. Rented Building of Zasema & C.Sangkhuma - Hnahthial North II : mi 14
8. Bharti Airtel Staff (Erection of Mobile Tower) H&FW Qtrs. - South Lungleng : mi 3
Total 580
Heng mite hi an chenna hmunah theuh hian District Hospital Hnahthial, Pangzawl PHC leh South Vanlaiphai PHC hnuaia thawktu ten kalchilhin an hriselna endik sak theuh an ni a, hriselna lama harsatna nei leh insawisel an awm lo a ni. Damdawi lam thiamte hian Medical Check-up bakah hian Covid-19 chungchangah fimkhur tulna hrang hrang te hrilhfiahin an zirtir bawk a ni.
Hnahthial District chhunga hnathawk tangkhangte hi District thuneitu te leh Health department hnuaia thawktute chuan an vil zui reng dawn a ni.
