No.243/2020-2021
Kan hma thawhlehni lo awm tur, ni 14.04.2020 zing dar 9 atanga tlai dar 5 inkar chhung Tuichang Lei khar a nih tur thu a hnuaia mi ang hian Serchhip SP Pu R. Sathiyasundaram, IPS chuan hriattirna a tichhuak.
Sr. EE, PWD Serchhip Division, Serchhip lehkha No. R - 11011/24-3/17-EE (S)/88 dated 20/03/2020 kan hmuh angin Serchhip District chhunga Tuichang Lei (Keitum - Khawlailung inkar) chu dt 14/04/2020 (Tuesday) zing dar 09:00 AM atanga tlai 05:00 PM thleng a chhuat siamthat hnathawh a ngai a, siamthat hnathawktu ten chak zawk a hna an thawh theih nan kei, R. Sathiyasundaram, SP, Serchhip District chuan MV Act, 1988 section 115 leh section 116 in thuneihna min pek angin hemi ni dt 14/04/2020 (Tuesday) zing dar 09:00 AM atanga tlai dar 05:00 PM inkar chhung hian eng motor mah Tuichang Lei ah hian kal phal a ni lo tih lirthei hmangtute ka hriattir e.
He thupek hi lirthei hmangtute zawm hram turin ka hriattir a, thupek zawm lo te chu a tul anga an chungah action lak a ni ang. Emergency Case leh dan leh thupek kengkawhtu te chu a huam lovang.
