No.5198/2020-2021

Hnahthial District chhunga Covid-19 vei enkawl dam hmasak ber pahnih Mizo tlangval pakhat leh hnam dang pakhat te chu vawiin khan Covid Care Centre atangin chhuah tir an ni a, Hnahthial District Bawrhsap Pu Vanlalmawia chuan thlahna hun a hmanpui.

Hnahthial-a Covid-19 vei enkawl damte thlahna huna hian District Bawrhsap chuan "Covid-19 vei kan district ngeiah enkawl dam an ni ta hi a lawmawmin thawktute inpekna a fakawm hle a, damlo te pawhin thuawih taka hun hmangin harsatna engmah an siam lo a ni. Pakhat zawk phei hi chu a negative har avangin thla hnih (2) chuang zet enkawl a ni a, thawktute inpekna leh an thuawihna Pathianin mal a sawm a, an dampui ta a ni" a ti.

Hnahthial District a Covid-19 vei enkawl dam Mizo tlangval pakhat hi Ni 4.07.2020 khan Covid Care Centre-ah a lut a, Hnam dang hi Ni 18.08.2020 khan a lut leh a, Medical team ten theihtawp chhuaha an enkawl hnuin vawiin khan CCC hi an chhuahsan ta a ni

Hnahthial District-ah hian tun dinhmunah Covid-19 vei enkawl mek hi mi pathum (3) an la awm a ni.