513/2026-2027

Dated Hnahthial, the 14th May, 2026:

Vawiin khan Hnahthial DC pisa-ah Financial year 2024-2025 chhunga National Social Assistance Programme (NSAP) hnuaia National Family Benefit Scheme(NFBS) tanpuina dawngtu turte chu Hnahthial District Level Coordination Committee thukhawm chuan an thlang chhuak a. Thutkhawmna hi Chairman leh Bawrhsap ni bawk, Pi K. Vanlalruati chuan kaihruaiin Member Secretary, Pu CL Joseph, District Social Welfare & Tribal Affairs Officer, Lunglei District/Hnahthial chuan tanpuina dawng thei tura theh luhte chu a chhawp chhuak a ni.

Tun tuma National Family Benefit Scheme (NFBS) tanpuina hi March 2025 hma a chhungkua harsa zual, eizawngtu ber boral chhungte hnena pek tur a ni a. He scheme kaltlang hian boral chhungte thlan chhuah hnenah Rs 20,000 pek an ni ang.

Hnahthial District tan NFBS hamthatna dawng tur mi 10 thlan chhuah niin committee chuan he tanpuina dawng thei tur, hming thehluh zingah a hnuaia tarlan te hi an thlang a ni.

1.    Lalthansangi, Cherhlun Vengthar

2.    C. Kapliana, Chhipphir

3.    K. Lalliankimi, Electric Veng, Hnahthial

4.    Biakliani, Peniel Veng, Hnahthial

5.    Lalawmawii, Tarpho

6.    Zonunsangi, S. Phaileng

7.    Lalramthari, Electric Veng, Hnahthial    

8.    C. Lalramsangi, Electric Veng, Hnahthial

9.    Lalthazuali, Muallianpui

10.  Thangropuii, Chhipphir

NFBS hi one time financial assistance niin chhungkua a eizawngtu ber boral ta hming hian vawi khat bak tanpuina sum hi a dawn theih loh a ni. 

Thutkhawmnaah hian Pi Lalrengpuii, Multitasking Assistant bakah Committee Members - Pu HD Lalpekmawia, Project Director; Pu Hmingthanzuala, President Sub-Hqrs YMA; Pu F. Aithuama, President MUP leh Pi Lalthanpuii, President MHIP te chu an tel a ni.