4107/2024-2025

Dated Hnahthial, the 6th February, 2025: Tukin zing dar 7 atang khan Facilitation Centre, Hnahthial DC Conference Hall-ah, Hnahthial District-a Village Council Inthlanpui, 2025 kaihhnawiha duty - Persons on Election Duty (PED) te tan vote thlakna hun hawn a ni a. Hnahthial District Election Officer leh Hnahthial Bawrhsap ni bawk, Pi Rita Lalnunmawii Pachuau chuan vote a thlak hmasa ber a ni.

Vawiin hian Hnahthial District-a PED, Category-I (District chhunga vote nei) leh Category-II (District pawna vote nei) te tan vote thlak theih a ni a. Vote hi tlai dar 4 thleng thlak theih tura hawn a ni. February ni 7 leh February ni 8, zing dar 7 atanga tlai dar 4 thleng hian PED, Category-I (District chhunga vote nei) te tan chauh vote thlakna hun hi hawn a ni ve thung ang.