4108/2024-2025

Khawzawl, dated 6th February 2025: Vawiin chhun dar 12 khan DC Office Meeting Hall-ah District Water and Sanitation Mission (DWSM) an thukhawm a, Khawzawl DC leh committee chairman ni bawk Pu K. Vanlalthiana'n hun a kaihruai.

DWSM chungchang sawi hawng turin chairman Pu K. Vanlalthiana chuan Sr. Executive Engineer, PHED leh Member-Secretary ni bawk Pu Liantluanga Chohte a sawm a, DWSM din chhan te, thil tum te leh member chanvo hrang hrang te a sawi hawng a, an thutkhawm chhan agenda a ziah lan te a sawi zau bawk. Agenda-ah hian 15th Finance Commission hnuaia Tied Grant leh Gram Panchayat Development Fund (GPDP) chungchang te, Jal Shakti Abhiyan (JSA) chungchang te, Jal Sanchay Jan Bhagidaari chungchang te a awm a, member te'n sawihona hun tha tak an hmang a, Khawzawl district a tui lama hnianghnarna leh faina kawnga hmasawn zel theihna lam thurel tha tak tak sawi chhuah a ni. Member Secrerary Pu Liantluanga Chohte chuan sawihona tlip nan hlawkthlak taka hun an hman theih avangin lawmthu a sawi a, Chairman Pu K. Vanlalthiana chuan tuihna humhalh hi nunphunga neih a tul thu a sawi a, rilrua vawng reng turin member te a chah a ni.

He hunah hian district office hotu thahnem tak an rawn tel a, committee member bakah special invitee an tel nual bawk a ni.