No.2878/2021-2022
Aizawl 4th November 2021: Vawiin chawhma khan Hnahthial District Core Committee on Kayakalp chu an Chairman Pu R. Lalremsanga, District Bawrhsap hovin District Hospital OPD building-ah an thukhawm a, meetingah hian Head of Offices te, khawtlang hruaitu VC te, NGO hrang hrang hruaitu te, MJA leh Hospital thawktute an tel.
Meeting kaihruaitu District Bawrhsap Pu R. Lalremsanga chuan Prime Minister Pu Narendra Modi chuan India ramin faina leh thianghlimna kawnga hma a sawn theih nan Swach Bharat Mission a kalpui a, chung zingah chuan Hospital thianghlimna leh faina hi ngaih pawimawh hmasakah neiin inelna Kayakalp pawh kalpui a ni a, a inelna ngawr ngawr ai mahin mipui vantlang ro hlu (public assets) DC office te leh Office dang dangte hi an pawimawh em em a. Hospital pawh kan vaia ta a ni a, mi rethei ber atanga mi hausa ber in kan mamawh a ni, kan neih tawk a, kan district hospital thianghlim tak leh felfai ta enkawl hi mipuite hian kan mawhphurhna a ni tih kan hriat a tul. Thawktute an awm kan ti a ni mai thei e, mahse nitin hna pangngai nei an nih piah lamah tunah phei chuan hripui Covid-19 nen an buai in an indaih lo em em a, District Hospital ang tak takin tunah a la function lova, mahse sawkar chuan District Hospital turin theih tawp chhuahin hma a la mek a ni tiin, District mipuite District Hospital faina leh thianghlimna atan theih tawp chhuah turin a sawm a, a bul tan nan DC office chuan Rs. 10,000 kan hlan nghal dawn a ni a ti.
Dr. R. Lalsanglura, Medical Officer leh Core Committee member on Kayakalp chuan Power Point Presentation hmangin hmalakna tur hrang hrang a sawifiah hnuah meeting chuan Hospital thianghlimna leh faina chungchanga inelna 'Kayakalp' inbuatsaihna atan theih tawp chhuah nise an ti a ni.
Attachment
- Loading attachment...
