2243/2026-2027

Dated Hnahthial, the 17^th September, 2026: Vawiin khan DC Meeting Hall, Hnahthialah DDMA Chairman leh Bawrhsap ni bawk, Pi K. Vanlalruati kaihhruaiin DDMA thutkhawmna neih a ni a, training neih dan tur leh hmalakna tur hrang hrangte sawi ho a ni. 

Bawrhsap chuan October thla hian Lirnghing thlen thulha inrin lawkna - Mock Exercise neih a nih tur thu sawiin khuarel chhiatna laka Hnahthial mipuite an him theihna tura rawtna an neih te sawi ho tura thukhawm an nih thu a sawi a. DDMA hnuaia training leh exercise neihte chu ngai pawimawh thar leh turin member-te chahin inrin lawk pawimawhna a sawi a ni. 

Training hi September ni 29 hian neih tura ruahman niin QRT leh Medical Superintendent atangin resource person beisei an ni a, office zawng zawngte chu Disaster Management Plan siam tura beisei an ni bawk. Hei bakah hian School Safety programme leh Hospital Safety programme hnuaia training pek dan turte leh chhiatna thlen thulha hmanraw mamawh zual neih ngaite sawi ho a ni. 

Thutkhawmnaah hian DDMA member-te kim takin an tel a ni.