4692/2024-2025

Dated Hnahthial, the 18th March, 2025: Vawiin chawhma dar 11:30 khan DC Meeting Hall Hnahthial-ah Election Comission of India (ECI) duh danin Hnahthial District Election Office-a thawktute leh Political Party hrang hrang aiawhte chuan inkawm hona hun an hmang a. He hun hi District Election Officer, Pi K. Vanlalruati, District Bawrhsap ni bawk chuan a kaihruai a ni.

District Election Officer, Hnahthial chuan Political Party te nen thawhhona tha tak an neih a pawimawh thu sawiin Myanmar nen ramri intawm kan nih angin Electoral Roll a in thun danah kan fimkhur a tul thu a sawi a. Political Parties kal khawmte chu a tam thei ang ber mipui hnenah Election lam awareness nei tur leh Electoral Roll Revision laia ERO/AERO hearing neih naah pawh intawiawm zel turin a sawm nghal a ni.

Thutkhawmnaah hian Pu Zothanmawia Khiangte, ERO leh Pi Esther Leihang, Election Officer te hnen atangin report tawi leh election kaihhnawih thu pawimawh te ngaihthlak a ni a. Political Parties aiawhte pawhin Election leh Electoral Roll kaihhnawih hrang hranga an harsatna tawh thinte leh rawtna te thlenin a tul dang pawimawh te sawi hona hun neih nghal a ni.

Meeting chuan Polling Station area leh Village Council area inang lo a awm nual chu veiawm an ti a. VC area voters milin Polling Station siam rem tura hmalak vat ni se an ti a ni. He hunah hian District Election Office-a thawktute bakah party hrang hrang aiawh te an tel a ni.