4693/2024-2025

Dated Aizawl: the 18th March 2025 : Mizoram sawrkar chuan kum 2023-a Local Council te public authority-a a puan tak avangin Local Council Chairman zawng zawngte chu RTI hnuaiah State Public Information Officer (SPIO) ah ruat an ni ta a. Hemi denchhen hian Mizoram Information Commission chuan vawiin  khan  AMC hnuaia Local  Councils zawng zawngte tan Right to Information Act, 2005 chungchanga Training chu ATI Auditorium-ah a buatsaih.

Local Council thlan thar te puala training programme hi Pu H. Dolianbuaia, Secretary, MIC-in a kaihruai a, Pu John Neihlaia, Chief Information Commissioner chuan  inlawmna thu a sawi bakah RTI tobul leh a pawimawhnate a sawifiah a. Hemi hnu  hian Pi Lily, Deputy Secretary leh Pu C. Lalramnghaka, Assistant, MIC-te chuan RTI manual leh online-a kalpui dan an sawifiah a, CIC leh IC-te chuan kalkhawmte hi zawhna leh chhanna hun neihpuiin, Pu Mangjangam Touthang, Information Commissioner chuan lawmthu sawiin hun hi a khar a ni.

He training ah hian Local Council Chairman (SPIO) leh Secretary te an kal tha hle a ni.