724/2026-2027

Dated Hnahthial, the 27th May, 2026: Vawiin khan Hnahthial DC Meeting Hall-ah, Hnahthial District Level Committee for Encloser of Work under MGNREGA chu an Chairman leh District Bawrhsap ni bawk, Pi K. Vanlalruati kaihhruaiin an thukhawm a. He hunah hian MGNREGA hnuaia hna zawhfel theih loh la awmte hmalak dan tur chungchang ngaihtuah ho a ni.

Thutkhawmna koh a nih chhan sawiin District Rural Development Office, Project Director Pu HD. Lalpekmawia chuan July ni khat atangin Viksit Bharat – Guarantee for Rozgar and Ajeevika Mission (VB-G RAM G) hman tan a nih tawh dawn thu leh hemi hma hian MGNREGS hnathawh mek la fel lo awmte chingfel tura thukhawm an nih thu a sawi a. Tun dinhmunah hian hnathawh zawh vek tawh, sum leh pai pawh pek chhuah vek tawh si, Management Information System (MIS) lam, technical thil avanga complete theih loh hna pariat (8) a la awm thu a tarlang a. Heng te hi District Level Committee for Encloser of Works under MGNREGA hian an ngaihtuah tur a nih thu sawiin VB-G RAM G-ah hian department dang nena thawhhona tur convergence pawh a tam tur thu a tarlang bawk.

He hunah hian District Level Committee for Encloser of Work under MGNREGA Convener, District Programme Officer, MGNREGA, Block Development Officer, Divisional Forest Officer, District Horticulture Officer leh District Soil Conservation Officer te an tel a ni.