No.1582/2020-2021

Vawiin chhun dar 12:00 khan DC Conference Hall Hnahthial-ah June ni 11-a Green Mizoram Day 2020 lo thleng tur lawm dan tur ngaihtuahin District Level Committee on Green Mizoram Day 2020 chu an Chairman Pu Vanlalmawia, Hnahthial District Bawrhsap hovin an thukhawm. He hunah hian Member Secretary Pi Lalrammawii Sailo, IFS DFO Lunglei, Pu Lalbiakkila, SP Hnahthial, Pu H. Lalramliana, Election Officer, Hnahthial bakah member an kal tha hle.

Meeting chuan Green Mizoram Day hi hman ngei nise tiin a nawlpuia hman theih a nih dawn loh avangin Committee member te hian hemi zing dar 7:30 hian Govt. Hnahthial College Boy's Hostel tualah thing phun nise an ti a, thing phun tur hi Environment Forest & Climate Change Department Hnahthial Range in lo ngaihtuah se an ti.

Hei bakah Hnahthial Offices' Club (HOC) te chuan an annual plan angin Darzo-a Fort Tregear a hemi ni pual hian thing phun an tum thu ngaihthlak a ni bawk.
Hnahthial Bawrhsap Pu Vanlalmawia chuan kan rama Pathianin in min pek hi kan roh a tul em em a, environment te, ecology te, tui hna hunhmalh chungchang te, ram leilung luangral zel tur ven te hi a chhunga chengte hian kan mawhphurhna a ni tih hre thar leh theuh i la, a humhalhna kawngah pawh theih tawp kan chhhuah a tul a ni a ti.