No.1581/2020-2021

Vawiin chawhnu khan Health & Family Welfare Minister Dr. R. Lalthangliana hnenah Hauva & Sons, Zawlbuk Tuizem neitu ni bawk Pu Thantluanga, Kanan Veng chuan COVID-19 swab test nana Real Time Polymerase Chain Reaction (RT- PCR) khawl leina tur Cheng Nuai Sawmhnih Pakhat (Rs. 21 lakh) a pe a.

Pu Thantluanga aiawhin a fapa Pu Zodinpuia'n Minister chamber-ah a hlan a ni.

Minister chuan hun khirh tak karah midangte tana malsawmna ni tura mimal an rawn pen chhuak chu lawmawm a ti a, a let tam takin Pathianin malsawm se, a tih thu sawiin, ni rei lutuk lo chhungin khawl thar hi neih a ni ang, tiin a sawi.

Health Secretary pawhin thu sawiin Health Minister hmalakna in ICMR atangin RT-PCR khawl neih belh a nih dawn bakah National Health Mission-a sum dawn atangin ni 10 vel chhungin RT-PCR neih belh a ni bawk ang, tiin a sawi.

He hunah hian Green Pharma, Lunglei Civil Hospital Canteen te'n COVID-19 do nana hmantur Hand Sanitizer (100ml) bur 1210 Minister hnenah hian an hlan nghal bawk a ni.

Minister hi COVID-19 Medical Operational Team Chairman Dr. ZR Thiamsanga leh midangten an tawiawm a ni.

Attachment

  • Loading attachment...