No.695/2021-2022


Hnahthial 27th May 2021 - Vawiin khan June ni 11-a Green Mizoram Day lo thleng tur hman dan tur ngaihtuahin Hnahthial District Level Committee on Green Mizoram chu Pi Saizikpuii Addl DC kaihhruaina in DC's Conference Hall-ah an thukhawm a, meeting chuan Green Mizoram Day 2021 hi Hnahthial District-ah pawh hman ngei nise, June ni 11 zing dar 7:30-ah helipad Rallangtlang-ah a hawnna hun hman nise, hetah hian kangmei veng tha khuate hnenah lawmman sem nghal nise, zingkarah hian thing tiak April Par, Khuangthli leh Chawmzil phun nise, Department hrang hrang bakah Sub Hqrs. YMA, MHIP, MUP te, Hnahthial Town VC Association leh MJA ten pakhat theuh an phun ang a, thing phun enkawl tha ber hnenah lawmman siam nise, hei bakah Department in an rama an phun duh chuan Forest RO hnenah lam se, tin mimal phunna remchang nei te pawhin an phun duh a nih chuan Forest RO atangin lak theih a ni bawk ang. Kumin 2021 Green Mizoram Day thupui atan "Tuihna leh boruak tha siam nan thing i phun ang u," tih hman a ni.

Environment Forest & Climate Change Department Hnahthial chuan April Par, Khuangthli, Herhse, Tatkawng, Lenhmui, Hmawng, Chawmzil, Archangkawm, Cassia Fistula, Ngiau, Zuang leh Tlaizawng phun tur an neih thu meeting-ah hian report a ni bawk.

Attachment

  • Loading attachment...