2343/2026-2027

Dated Hnahthial, the 24^th September, 2026: Vawiin khan DC Meeting Hall, Hnahthialah Bawrhsap, Pi K. Vanlalruati kaihhruaiin District Level Implementing Committee on Mission Shakti member-te chu an thukhawm a, Child Development Project Officer (CDPO), Pi F. Lalnuntluangi chuan FY 2026-27 3rd Quarter atana Action Plan-te chhawpchhuakin sawi ho nghal a ni. He hunah hian 2026 Women's Hockey Junior Asia Cup Champion - India Junior Women's Hockey team-a tel, PC Lalrinpuii hnenah Beti Bachao, Beti Padhao kaltlangin chawimawina citation leh pawisa fai Rs. 10,000 hlan a ni. 

Thutkhawmnaah hian Pi Lalrinpuii, District Mission Coordinator, DHEW chuan Mission Shakti hnuaia DHEW hmalak tawhna hrang hrangte tarlangin October- December 2026 chhunga District Hub for Women Empowerment ten Mission Shaki hnuaia an hmalak dan turte sawi ho a ni a. Kum tling lo va inneih that loh zia inzirtirna neih dan turte, PMMVY Training kalpui a nih dan turte, Home Department nen tang ho va Gender Based Violence campaign leh Social Media awareness neih dan turte sawi ho a ni. 

Committee hian Leite, Maudarh leh Tuipui South-ah te Child Marriage chungchang inzirtirna neih ni se ti a relin November thla tawpah leh December thla tir chhungin ni 16 awh tur Gender Based Violence campaign neih ni se tiin a rel a. Social Media hman dan tur leh PWDVA, 2005 inzirtirna chu Higher Secondary School pahnihah neih ni se tiin a rel bawk. Hei bakah hian Middle School leh High School thenkhatah hmeichhe zirlai naupangte tan Self Defense Training neih tura ruahmanna siam a ni.