2344/2026-2027 

Dated : Mamit the 24th of September, 2026 : Vawiin khan Mamit District Legal Service Authority huaihawtin, Mamit District Court, Recreation Hall-ah “Sensitization of Mizoram Victims of Crime Compensation Scheme 2011 cum Disbursement” neih a ni a,Mamit District chhunga victim compensation dawngtu mi 32 te hnenah zangnadawmna pek an ni.

He hun hi Pu H. Lalduhsanga, CJM chuan kaihruaiin Mamit District chhunga vanduaina tawk tute, zangnadawmna pek an nih theihna turin Mamit District Level-ah theihtawpa buaipui a ni a, chhiat tawha chunga rilru leh taksa natna hliah khuh nan tanpuina petu Sawrkar chungah lawmthu a sawi a, a buaipuitute tan sum hmuh chu thil lawmawm tak a nih rualin a dawngtu tan erawh zangnadawmna dawn ngailoa awm nih chu mi tinte duh dan a nih thu a sawi bawk. CJM chuan kan natna tawrh a kara min tuam dama, keimahni leh kan chhungte tan heng sum hi hmasawn nana kan hman ngei a duhsak thu leh chutiang atana inbuatsaih turin a chah bawk.

Pi Esther Zorini Hauhnar, JMFC pawhin inlawmna thu sawiin The Mizoram Victims Compensation Scheme, 2011 chungchang sawi zauna a nei bawk.

Vawiin huna victim compensation  dawngtu mi 32 tan hian Rs. 97.5 lakhs dawn a ni a, harsatna an tawh dan pawngsual, tualthahna tawktu, mipat hmeichhiatna kawnga khuaikhem leh accident vanga boralte hnenah pek an ni.

He hunah hian Mamit District Crime Victims Compensation member te an tel a ni.