4221/2023-2024
Hnahthial the 18th March 2024: Hnahthial District Magistrate Pu Chuauhnuna chuan kan hma lawka MP inthlan kan hmachhawn turah Sawrkar leh mimal hmunhma tihhmelhem chungchangah a hnuai ang hian thupek a chhuah.
General Elections to the member of Parliament (Lok Sabha), 2024 chu ni 19.04.2024 a neih turin Election Commission of India chuan Dt. 16/03/2024 hian a puang ta a, Election Model Code of Conduct pawh lekkawh nghal tur a ni. Election Commission of India lehkha No: 437/6/1/ECI/INST/FUNCT/MCC/2017, dated 25.10.2017 in a sawi angin Sawrkar leh mimal hmunhma tihhmelhem a nih loh nan ahnuaia mi ang hian thupek tihchhuah a ni.
1. Defacement of Government Property ( Sorkar ram tih hmelhem/bawrhban) - Inthlan puan a nih atanga darkar 24 chhungin heng hmuna bang ziahran, poster, hoarding, banner, flags, etc. te chu thenfai nghal tur a ni.
2. Defacement of Public Property (Vantlang ram tih hmelhem/bawrhban) - Vantlang hmuna Political Party te infakna/inzawrhna thil hrang hrang, poster, banner, flag, etc. te chu inthlan puan atanga darkar 48 chhungin thenfai/ laksawn nghal tur a ni.
3. Defacement of Private Property (Mimal ram tih hmelhem/bawrhban) - Mimal ram chhunga Political Party ten a neitu phalna la lova thil tar reng reng darkar 72 chhunga thenfai/laksawn nghal tur a ni.
A chunga khapna bawchhiate chu The Mizoram Prevention of Defacement of Property Act, 1955(SEC- 3) te, The Representation of the People Act, 1951 (SEC-127A) leh Indian penal Code 1960 (SEC-171H) dan hmanga hrem theih an ni.
