2430/2025-2026

Dated Hnahthial, the 28th November, 2025: Nimin khan Hnahthial DC Conference Hall-ah Addl DC, Pu Zothanmawia Khiangte kaihhruaiin PMEGP District Level Awareness Programme neih a ni a. Pi Emely Lalremruati, District Level Resource Person, Commerce & Industries chuan kalkhawmte hnenah PMEGP chungchang hrilhhriatna hun a hmang a ni. 

Pi Emely Lalremruati chuan PMEGP chu sawrkarin sumdawnna tur atana ruahmanna nei, bul tanna tura sum nei si lo tana a duan a nih thu a sawi a. He scheme hnuaia loan lak thatna chu 35% subsidy a awm mai bakah sumdawnna kalkawng hre lo tan kal dan tur zirtirin an tanpui theih thu leh bank kaltlangin sum hman dan tur pawh zirtir theih an nih thu a sawi. Detailed Project Report (DPR) siam thiam lo pawh an puih theih thu sawiin an thiam tawk lohna pawh an puih theih reng thu a sawi bawk. 

PMEGP dil dan tur kalphung sawifiahin vawiin a dil chu naktukah chhuak nghal thei a ni lo tih hre tura a duh thu a sawi a. Loan lak hi hman dan thiam chuan a hlauhawm loh thu sawiin dinchhuahpui nan hman theih a nih thu a sawi. Chutih rual chuan thawk tha lo chuan subsidy an dawn loh tur thu sawiin subsidise-na tur Margin Money chu loan tha taka kum thum (3) an rulh hnuah chauh pek chhuah theih a nih thu a sawi bawk. 

Zirtirna neih zawh hian zawhna leh chhanna hun hman nghal a ni a. Awareness Programme-ah hian Khadi and Village Industries Commission (KVIC) Executive - Pu Safiyan Hayath leh Pu Nilimesh Sarkar te chu an tel a ni.