No.6559/2020-2021

29-South Tuipui Assembly Constituency Draft Electoral Roll 2020 chu vawiin khan Hnahthial District Bawrhsap leh District Election Officer ni bawk Pu Vanlalmawia chuan a Office Conference Hall-ah tlangzarhin Political party hrang hrangte hnenah a hlan a. Hemi hnu hian Booth Level Officer-te training neihpui nghal an ni bawk 

He hun hi Pu Lalremruata Sailo, Election Officer chuan kaihruaiin District Election Officer Pu Vanlalmawia chuan Draft roll tlangzarhna leh training hawnna thu sawiin "Electoral roll a chuan hi khua leh tui nihna niin thil tam tak a keng tel nghal a, Kum 18 tling chin India khua leh tui dik tak te chu an chuang ngei tur a ni" tiin Election Commission chuan langtlang leh fel fai taka tih a duh avangin rinhlelhna awm thei ang ang te nuai bo chu a duh thin thu a sawi bakah Hnahthial chu District a nih tawh angin Election Commission pawhin District Election Office angin engkim a kalpui tawh thu sawiin Pu Vanlalmawia chuan "engkim la ti vek thei lo mahila kawng hrang hrangah nasa takin hma kan sawn zel a, EVM leh VVPAT dahna tur hmun te pawh Jt.CEO hovin enfel a ni tawh a ni" a ti. 

Draft Electoral Roll 2020 tlangzarh taka a lan danin South Tuipui bialah hian Vote nei mipa 7369 awmin Hmeichhia 7652 an awm a, Service voters 79 awm bawkin a vaiin vote nei mi 15098 an awm a ni. Polling Station 26 awmin New Kawnpui chu Polling Station thar a nih bakah Voters tlemna ber niin Vote nei mi 47 an awm a, Vote tamna ber Polling Station chu Hnahthial-IV niin Votes 1068 a awm a ni 

Draft roll tlangzarh zawh hian South Tuipui huam chhunga Booth Level Officer-te chu training neihpui nghal niin Pi Jennifer Vanlalhruaii Pachuan SDC chuan Special Summary Revision atana thil tul leh pawimawh hrang hrang a zirtir a ni. He huna tarlan danin Ni 16.11.2020 atanga 15.12.2020 thleng Vote nei thar turte tan dilna thehluh theih a ni ang a, dilna te chu Ni 10.1.2021 hmain tih fel vek tur niin Ni 14.01.20201 ah chuan thil tul leh buaipui ngai zawng zawng peihfel hman tur a ni a, Ni 20.1.2021-ah Final Electoral roll chu tlangzarh tura ruahman a ni