2247/2023-2024

Hnahthial the 10th October 2023: School Education Department Hnahthial District bultumin vawiin atanga ni 13 thleng awh tur 3rd Hnahthial District Secondary School Games chu vawiin chawhma khan Hnahthial Volleyball Court-ah Pu Micky Lalenkawla, District Education Officer (DEO) chuan khuallian niin a hawng. Hawnna inkhawm hi Pu HF. Lalmuanpuia, President MISSTA, Hnahthial chuan a kaihruai a ni.

Pu Micky R. Lalenkawla, DEO/DPC Hnahthial chuan thu sawiin 3rd Hnahthial District Secondary School Games chu school leh school inelna leh in erna ni lovin, Mizoram pum huap Secondary School Games neih tura Hnahthial tihmingthatu an chhuah theih nana buatsaih a ni a ti a, in unauna leh in thianthatna thar a lo pian chu a duhthusam a ni, a ti. He hunah hian nun kawng dik inkaihhruaina leh inzirtirna hun hman a nih dawn thu sawiin infiamna leh inelna thianghlim tak a awm theih nan zirlai naupang infiam turte leh zirtirtu kalkhawmte a chah a ni.

3rd Hnahthial District Secondary School Games-ah hian Hnahthial District chhunga High School 18 atangin zirlai naupang 720 ten infiamna hrang hrang discipline-ah an in el dawn a ni.