2248/2023-2024

Champhai the 10^th October, 2023 – October ni 10 atanga ni 13 thleng neih tur Champhai District High School Sports vawi 19-na chu vawiin khan Champhai DC & Chairman, District Education Committee Pu James Lalrinchhana’n Chhangphut Field ah a hawng.

Hawnna inkhawm Pu C. Lalbiakzauva, DEO & Chairman, District High School Sports Committee kaihhruaiah Pu James Lalrinchhana chuan Champhai District High School Sports chu Champhai District zirlaite leh zirtirtute ti phur thar tu leh school hrang hrang inkarah inkawmgneihna leh in unauna thlen tu anih ngei a beisei thu a sawi a. Zirlai kalkhawmte chu an zirlai syllabus mai piah lamah infiamna leh hobby hrang hrang te ngai pawimawh tel tura chahin taksa sawizawi chu an rilru hriselna atan pawh a pawimawh takzet a ni, a ti a. Champhai zirlaite chu Mizoram pum huap intihsiaknaah pawh a tit ha berte zing ami an nih thin thu sawiin, District aiawha tha taka la khel chho thei tura tan la turin zirlaite chu a chah a, District High School Sports an hman naah pawh fair tak leh midangte zah taka inkhel tura chahin hun hlimawm leh hlawkthlak tak an hman theihnan duhsakna a hlan a ni.

Pu Ngurhmingliana, Secretary, District High School Sports Committee chuan report a pe a. Thutiam sawihona hun hman niin, khuallian chuan District High School Sports flag pawtparhin a hawng a ni.

Champhai District High School Sports, 2023 ah hian school 38 telin an zinga 30 chu sawrkar school niin 8 chu private school an ni a. Sports disciplie 11 – football, volleyball, badminton, table tennis, basket ball leh athletics hnuaia intihsiakna hrang hrangte a tel a. Heng Sports discipline- te hi October ni 10 atanga ni 13 inkarah Chhangphut Field, VANIS, Bethel Field, Zotlang Sports Stadium etc ah te khelh an ni ang.