2249/2023-2024

Dated Saitual the 10th October 2023: Vawiin khan Saitual ah Right to information week hman a ni.

He Right to information week Saitual DC Conference Hall a hmanna ahhian Saitual DC Dr Lalngura Tlau chuan thu sawiin RTI chu mipui ten sawrkar kalphung an hriatna pawimawh tak leh thil diklo awm thei vengtu a ni a, mipui te tha ti chak tu a ni, a ti. RTI chu sawrkar hnathawk thenkhat tan thil hahthlak angin a lan chang a awm thin a, amaherawhchu kan hna a pawimawh em em, kan tihmakmawh a ni, a ti.

Dr Lalngura Tlau chuan RTI a hranpa a kan file hma pawh hian sawrkar office tinah Voluntary in kan hnathawh dan te, kan phone number te leh mipui ten min hriat pawh zung zung na tur information dah hi a pawimawh takzet a ni a ti. Mipui ten information an dawn that loh chuan sawrkar a thil diklo awm thin te hailan a ni lo anga, kalsualna tamtak a awm theih phah a ni, a ti.

He hunah hian resource person David A Lalhmingchhuana DIPRO saitual chuan RTI chungchang leh mipui ten a RTI an hman tangkai theih dan tur te leh RTI khawihtu te in a information an pek chhuah dan tur leh a kaihhnawih thil pawimawh dang te zirtirna hun a hmang bawk.

Vawiin a Saitual a RTI week hmanna ah hian Saitual District a Head of Department te, VC, YMA, MZP, College Zirlai te leh Saitual a SPIO, SAPIO leh DA te an tel a ni.