3718/2024-2025

Dated Hnahthial, the 8th January, 2025: Vawiin chawhma dar 11:00 khan DC Meeting Hall, Hnahthialah Hnahthial District chhunga Village Council Final Electoral Roll, 2025 chu Hnahthial District Election Officer, Pi Rita Lalnunmawii Pachuau, Hnahthial District Bawrhsap ni bawk chuan a tlangzarh. Hnahthial District chhungah Village Council 32 awmin vote nei thei mi 23,160 an awm a ni.

Village Council Final Electoral Roll 2025 tlangzarhtu, District Election Officer, Pi Rita Lalnunmawii Pachuau chuan Election-a thawktute, Village Level Officer (VLO) te, Political Party te leh NGO hrang hrangte tawiawmna zarah Village Council Final Electoral Roll 2025 felfai tak tlangzarh a ni thei ta chu lawmawm a tih thu a sawi a. Electoral Roll-a chuan hi khua leh tui kan nihna lantirtu pawimawh tak a nih avangin leh kan ram leh hnam hnuk khawih thei thil a nih avangin fimkhur tak leh uluk taka hna thawk chhunzawm zel turin a chah nghal bawk a ni. Roll tlangzarh hnu hian Political Party hrang hrang aiawhte hnenah a copy hi sem nghal a ni.

Pi Esther Leihang, Election Officer chuan Electoral Roll hearing an neih dan chungchang report a pe a. Report tarlan dan chuan Hnahthial District chhungah hian Village Council 32 awmin vote nei thei mi 23,160 an awm a. Vote thlak thei zingah hian mipa 11,377 leh hmeichhia 11,783 awmin vote nei thei punna hi 661 a ni a, hei hi 2.94% a ni. Vote nei tam berna Village Council chu Cherhlun niin voter 1,793 an awm a, vote tlemna ber chu New Kawnpui niin voter 57 an awm thung a ni.

VC Roll Abstract.pdf