3717/2024-2025

Aizawl, 08.01.2025: Ni hnih cham tura Mizoram lo kal Union Minister of State for Tribal Affairs Pu Durga Das Uikey chuan nizan khan Regency Hotel Conference Room ah Social Welfare and Tribal Affairs, Women & Child Development Department changtu Minister Pi Lalrinpuii leh Department official-te a kawm.

Minister Pi Lalrinpuii chuan Union Minister lawmna thu sawiin, department hmalakna hrang hrangte a hrilh a. Sorkar laipui atanga sum hmuh hmanga hnathawh leh thlen chin te a sawifiah bakah harsatna leh mamawhna tawh te a sawifiah bawk a. A bik takin sorkar laipuiin Scholarship sum rawn release thuai theih nan hmalak sak turin a ngen a ni.

Union MoS chuan India ram chhung tribal te tihhmasawn a ngaihpawimawh thu sawiin, Sorkar laipui chuan India ram pumah leh a bik takin India hmarchhak state a tribal hnam hrang hrang chengte hmasawn nan tan a lak ngawrh thu a sawi a. Ram chhunga chang zawng zawngte tan hmasawnna rualkhai leh huam kim tak siam a pawimawh thu sawiin, Sorkar chuan tribal zingah pawh hnam hnufual zawk te chawikang tura Ministry of Tribal Affairs kaltlanga ruahmanna a siam hrang hrangte a tarlang a. Mizoram tan pawh tun kum nga chhunga Ekalavya Model School atan te, Tribal Research Institute leh hmalakna dang hrang hrang atana sorkar laipui atana sum pekchhuah dan sawiin, Mizoramin chak taka hma la zel tura a duhsak thu a sawi a. Sum rang zawka pekchhuah belh zel nih dawn chuan chak zawka hman zawh a tul avanga hnathawh chak a thul thu a sawi bawk.

He an inkawmna hi Commissioner & Secretary Pi Lalzarmawuu chuan kaihruaiin Social Welfare & Tribal Affairs Director Dr. R. Lalhriatzuali chuan lawmthu sawiin hun a khar a ni.

Union Minister of State Pu Durga Das Uikey chuan vawiin hian Mamit tlawhin, January ni 9, 2025 (Ningani) ah Aizawl a chhuahsan dawn a ni.