1593/2023-2024

Hnahthial the 22nd August 2023: Hnahthial District huamchhunga Iron Rod dealer zawng zawngte zawm atan District Bawrhsap Pu Chuauhnuna chuan a hnuaia tarlan ang hian thu a chhuah:

Controller, Legal Metrology, Govt. of Mizoram chuan Order No. C.18016/6/2020-DTE(WM) /25 Dt. 20.08.2020 kaltlangin Iron Rod dealer reng reng chuan September, 2020 ral hma ngeiin Electronic Weighing Machine an hmang vek tur a ni tih Order a chhuah tawh a.

Iron rod (TMT) hi a len lam leh a seilam mil turn Bureau of Indian Standard (BIS) chuan a rihlam standard a siam a. A hralh chhuahna atan hian Rule 10 of the Legal Metrology (Enforcement ) Rules, 2010 in a sawi angin an buk ngei ngei tur a ni a. A mal a hralh pawhin a buk hisap a hralh tur a ni.

Tin, a bukna atan hian Section 24 of the Legal Metrology Act, 2009 in a phut angin Legal Metrology Wing, FCS & CA Department in an endik electronic weighing machine chauh hman tur a ni.

Chuvangin, Hnahthial District chhunga Iron Rod dealer zawng zawngte chuan Electronic weighing Machine, Legal Metrology wing in an endik tawh hmang ngeiin Iron Rod-te hi an bukin an hralh chhuak thin tur a ni.

Harsatna nei tan Legal Metrology Department biakpawh theih reng a ni a. He thuchhuak zawm lote chu Dan anga hrem an ni ang.